1 րոպեի ընթերցում
ՍՏԱՄԲՈՒԼ, 16 ԴԵԿՏԵՄԲԵՐԻ, ԱՐՄԵՆՊՐԵՍ: Ստամբուլ ժամանած հարավաֆրիկացի 28-ամյա Լորեժամին Դելմասը օդանավակայանում տաքսի է նստել: Ճանապարհին վարորդը նրան իջեցրել եւ նստեցրել է մի այլ մեքենա` վստահեցնելով, որ նա իրեն հյուրանոց կհասցնի:
Ինչպես հաղորդում է «Արմենպրես»-ը, թուրքական «Դողան» լրատվական կայքը հայտնում է, որ այդ մեքենայի վարորդը մի ոչ բանուկ ճանապարհի կանգնեցրել է մեքենան եւ փորձել սեռական ոտնձգության ենթարկել նրան: Հանդիպելով հարավաֆրիկացի կնոջ դիմադրությանը` նա ծեծի է ենթարկել կնոջը` պատճառելով մարմնական վնասվածքներ, թալանել նրան եւ փախել: