1 րոպեի ընթերցում
ԵՐԵՎԱՆ, 16 ՀՈՒՆԻՍԻ, ԱՐՄԵՆՊՐԵՍ: Եգիպտացի տաղանդավոր շախմատիստ, գրոսմայստեր Ադլի Ահմեդը նվաճել է Աֆրիկայի շախմատի չեմպիոնի կոչումը: Հիշեցնենք, որ Երեւանում անցկացված մինչեւ 20 տարեկան շախմատիստների աշխարհի առաջնության մրցաշարում Ա. Ահմեդը ճանաչվել է հաղթող: Նա «Արմենպրես»-ի հետ զրույցում ասել էր, որ Երեւանում է նա հասել իր մարզական կարիերայի լավագույն արդյունքին եւ դարձել գրոսմայստեր:
Երեւանյան մրցաշարի չեմպիոնն իր երկրի եւ Աֆրիկայի ամենատաղանդավոր շախմատիստներից մեկն է համարվում: