1 րոպեի ընթերցում
ՄԻՆՍԿ, 23 ՄԱՅԻՍԻ, ԱՐՄԵՆՊՐԵՍ: Բելառուսը հանդես է գալիս ԱՊՀ-ն պահպանելու եւ այդ միջազգային կազմակերպության շրջանակներում համագործակցությունը շարունակելու օգտին: Այս դիրքորոշումը հայտնել է Բելառուսի նախագահ Ալեքսանդր Լուկաշենկոն՝ այսօր հանդես գալով հանրապետության խորհրդարանին ու ժողովրդին հղված տարեկան ուղերձով: «Մենք կշարունակենք համագործակցությունն ԱՊՀ-ի շրջանակներումե,-հայտարարել է նա, ընդգծելով, որ «ԱՊՀ-ի բազմակողմ մեխանիզմների ռեզերվները հարկավոր հատույցով չեն օգտագործվում, սակայն դա չպետք է առիթ տա այն վերացնելու մասին խոսելու համարե: «Մենք ունենք ընդհանուր շահեր, ուստիեւ ինտեգրման ցանկացած ձեւ օգտակար է, մեզ անհրաժեշտ է ԱՊՀ-ի շրջանակներում ավելի ակտիվորեն զարգացնել տարանցման բաղադրիչը, սոցիալական ու հումանիտար համագործակցությունըե,-ասել է Լուկաշենկոն: «Միեւնույն ժամանակ չի կարելի չընդունել, որ Համագործակցությունը բարենորոգման կարիք ունի: Գլխավորն այն է, որ բարձրացվի ընդունվող որոշումների արդյունավետությունը եւ ստանձնած պարտավորությունների կատարման համար յուրաքանչյուր պետության պատասխանատվությունըե,-ասել է Բելառուսի նախագահը: