Ալեքսանդր Լուկաշենկո. «Բելառուսա-ադրբեջանական առեւտրատնտեսական հարաբերությունները առաջիկա երկու տարում զգալիորեն կընդլայնվենե
1 րոպեի ընթերցում
ՄԻՆՍԿ, 14 ԱՊՐԻԼԻ, ԱՐՄԵՆՊՐԵՍ: Բելառուսի նախագահ Ալեքսանդր Լուկաշենկոն վստահություն է հայտնել, որ «բելառուսա-ադրբեջանական առեւտրատնտեսական հարաբերությունները առաջիկա երկու տարում զգալիորեն կընդլայնվենե: Բելառուսում Ադրբեջանի արտակարգ եւ լիազոր դեսպան Թալյաթ Ալիեւի հետ կայացած հանդիպմանը նա արձանագրել է երկկողմ առեւտրատնտեսական կապերի զարգացման ոչ վատ դինամիկա, ընդսմին նշելով, որ երկկողմ առեւտրական շրջանառության ծավալներն առայժմ մեծ չեն՝ տարեկան մոտավորապես 130 մլն դոլար: Լուկաշենկոն հայտնել է, որ մոտ ժամանակներս Բելառուսը եւ Ադրբեջանը մտադիր են քննարկել երկկողմ հարաբերությունների մի շարք կարեւոր հիմնախնդիրներ, ինչի արդյունքում բելառուսա-ադրբեջանական համագործակցությունը պետք է հասնի զարգացման նոր մակարդակի: