Ալեքսանդր Լուկաշենկո. ՀԱՊԿ-ին միասնական դիրքորոշում է հարկավոր Հարավային Օսիայի եւ Աբխազիայի վերաբերյալ
1 րոպեի ընթերցում
ՄԻՆՍԿ, 29 ՕԳՈՍՏՈՍԻ, ԱՐՄԵՆՊՐԵՍ: Բելառուսի նախագահ Ալեքսանդր Լուկաշենկոն հինգշաբթի օրն ուղերձ է հղել Ռուսաստանի նախագահ Դմիտրի Մեդվեդեւին, որում հանդես է եկել Հարավային Օսիայի եւ Աբխազիայի վերաբերյալ ՀԱՊԿ-ի միասնական որոշում մշակելու օգտին: Այդ մասին հաղորդում է Բելառուսի նախագահի պաշտոնական կայքը: «Ստեղծված իրավիճակում Ռուսաստանը բարոյական այլ ընտրություն չուներ, քան պաշտպանել Հարավային Օսիայի եւ Աբխազիայի ժողովուրդների դիմումը՝ ճանաչելու ինքնորոշման իրենց իրավունքըե,- ասված է, մասնավորապես, Լուկաշենկոյի նամակում: «Պետության ղեկավարը կարծիք է հայտնել այդ հարցը ՀԱՊԿ-ի Անվտանգության հավաքական խորհրդի քննարկմանը ներկայացնելու նպատակահարմարության մասին, որը ծրագրվում է անցկացնել այս տարվա սեպտեմբերի 5- ինե,- հաղորդել է Բելառուսի նախագահի մամուլի ծառայությունը: