1 րոպեի ընթերցում
Թուրքիայի արտաքին գործերի նախարար Հաքան Ֆիդանը Նյու Յորքում մասնակցել է Մեքքայի համատեղ պաշտպանության համաձայնագրի մասնակից երկրների արտաքին գործերի նախարարների հանդիպմանը, որի ընթացքում Սաուդյան Արաբիայի և Պակիստանի իր գործընկերների հետ քննարկել է համաձայնագրի ինստիտուցիոնալացման գործընթացը։
«Արմենպրես»-ի փոխանցմամբ՝ «Անադոլու» գործակալությունը գրում է, որ Ֆիդանը բանակցություններ է վարել Սաուդյան Արաբիայի արտաքին գործերի նախարար Ֆեյսալ բին Ֆարհանի և Պակիստանի փոխվարչապետ, արտաքին գործերի նախարար Մուհամմադ Իսհակ Դարի հետ։
Կողմերը գնահատել են համաձայնագրի շրջանակում համագործակցության ինստիտուցիոնալացման նպատակով ընթացող տեխնիկական բանակցությունների ներկա փուլը։
Քննարկվել են նաև «Ռազմավարական քաղաքական և պաշտպանական կոմիտեի» հաջորդ նիստի նախապատրաստական աշխատանքները։ Նիստը նախատեսվում է անցկացնել ավելի ուշ։
Նյու Յորքում՝ ՄԱԿ-ի Գլխավոր ասամբլեայի 81-րդ նստաշրջանի շրջանակում, Հաքան Ֆիդանը հանդիպել է նաև Եգիպտոսի արտաքին գործերի նախարար Բադր Աբդելատիի հետ։
Թուրքիայի արտաքին գործերի նախարարությունը հայտնել է հանդիպման մասին՝ չներկայացնելով կողմերի քննարկած հարցերի վերաբերյալ մանրամասներ։