2 րոպեի ընթերցում
Իրանը կարող է միայն սահմանափակ խոչընդոտներ ստեղծել Հորմուզի նեղուցով նավագնացության համար, սակայն նեղուցը լիովին գտնվում է ԱՄՆ-ի ռազմածովային ուժերի վերահսկողության տակ: «Արմենպրես»-ի փոխանցմամբ՝ այս մասին օգոստոսի 10-ին հայտարարել է ԱՄՆ նախագահ Դոնալդ Թրամփը Սպիտակ տանը լրագրողների հետ զրույցում, որի տեսանյութը տարածել է CNBC-ն։
«Կան ոչ մեծ դժվարություններ։ Օրինակ՝ նրանք կարող են ժամանակ առ ժամանակ ական տեղադրել, իսկ մենք այն կվնասազերծենք։ Հնարավոր է՝ դուք լսել եք, որ ավելի վաղ մենք այնտեղ ականազերծում ենք անցկացրել», - ասել է նա։
Թրամփը հերթական անգամ հավաստիացրել է, որ ԱՄՆ-ն վերահսկում է Հորմուզի նեղուցը և շարունակում է պահպանել Իրանի ծովային շրջափակումը։
«Մենք 100%-ով վերահսկում ենք նեղուցը», - ասել է Թրամփը։
«Կարո՞ղ են արդյոք իրանցիները ինչ-որ խնդիրներ ստեղծել։ Այո, կարող են։ Բայց դրա հետ մեկտեղ նրանք սնանկացել են, նրանք փող չունեն…. Տեսնենք, թե ինչպես կավարտվի այս ամենը», - հավելել է նա։
ԱՄՆ նախագահը նաև հավելել է, որ դեռևս դիտարկում է Իրանի նկատմամբ ուժային լուծման հնարավորությունը։
«Մենք ունենք հնարավորություններ, դուք կիմանաք դրանց մասին», - ասել է նա:
Ամերիկացի առաջնորդը կրկնել է այն միտքը, որ օգոստոսի 10-ին հրապարակել է նաև Truth Social-ում։ Թրամփի խոսքով՝ եթե Իրանը փոխհատուցում պահանջի ԱՄՆ-ի և Իսրայելի հասցրած հարվածների վնասի համար, ապա Վաշինգտոնը ևս Թեհրանից փոխհատուցում կպահանջի իրանական գրոհների հետևանքով զոհված կամ լրջորեն տուժած բոլոր մարդկանց, ինչպես նաև զոհված ցուցարարների համար։