1 րոպեի ընթերցում
Հայաստանում օգոստոսին օդի ջերմաստիճանը և տեղումների քանակը կլինեն կլիմայական նորմայի սահմաններում։ «Արմենպրես»-ի հաղորդմամբ՝ այս մասին «Ֆեյսբուք»-ի իր էջում հրապարակված տեսանյութում հայտնել է «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը։
«Հայհիդրոմետի կանխատեսումների համաձայն՝ այս տարվա օգոստոսին և՛ օդի ջերմաստիճանը, և՛ տեղումների քանակը կլինի կլիմայական նորմայի սահմաններում։ Դա նշանակում է, որ ամսվա ընթացքում հանրապետության տարածքում արտառոց շոգեր կամ արտառոց ցրտեր չեն սպասվում։ Մեզ սպասվում է մեր կլիմայական պայմաններին բնորոշ օգոստոս»,-ասել է Սուրենյանը։