1 րոպեի ընթերցում
ԱՄՆ նախագահ Դոնալդ Թրամփը հուլիսի 30-ին ստորագրել է հրաման, որի համաձայն՝ դաշնային իշխանությունները կարող են արգելել արդյունաբերական և էլեկտրոնային թափոնների արտահանումը երկրից, եթե դրանց վերամշակումը թույլ է տալիս ստանալ տնտեսության համար կարևոր հումք։ «Արմենպրես»-ի հաղորդմամբ՝ ինչպես նշվում է Սպիտակ տան կայքում հրապարակված փաստաթղթերում, որոշ արտադրատեսակների վերամշակումը, որոնք մասնավորապես պարունակում են լիթիում-իոնային մարտկոցները կամ մագնիսները, թույլ է տալիս կրկին օգտագործել արժեքավոր հումքը, ներառյալ հազվագյուտ հողային մետաղների տարրերը։ Հրամանի համաձայն՝ ԱՄՆ Առևտրի նախարարությունը պետք է որոշի, թե որ դեպքերում է նպատակահարմար արգելել թափոնների արտահանումը և դրանք վերամշակել երկրի տարածքում։
Փաստաթղթում ընդգծվում է, որ այդ միջոցները նպատակ ունեն ԱՄՆ-ին ապահովելու «պաշարներով, որոնք անհրաժեշտ են ազգային անվտանգության ու պաշտպանության պահպանման համար»։
Արդյունաբերական և էլեկտրոնային թափոնների, ներառյալ բանեցված սարքերի արտահանումն ԱՄՆ-ից այլ երկրներ սովորական պրակտիկա է։ Ամեն ամիս ԱՄՆ-ից արտահանվում են տասնյակ տոննաներով նման բեռներ: