1 րոպեի ընթերցում
Բելառուսի նախագահ Ալեքսանդր Լուկաշենկոն Չինաստան այցն ավարտելուց հետո մեկնել է Ինդոնեզիա, հանդիպել երկրի կառավարության անդամների հետ՝ համատեղ ներդրումային ծրագրերի քննարկման համար: «Արմենպրես»-ի փոխանցմամբ՝ այս մասին հաղորդում է ԲելՏԱ գործակալությունը:
Ինդոնեզիայի ներդրումների նախարար Ռոսան Պերկասա Ռուսլանին նշել է, որ նախագահը հրահանգել է ամրապնդել և զարգացնել Բելառուսի հետ հարաբերությունները հնարավոր բոլոր ոլորտներում:
Նաև նախատեսվում է Լուկաշենկոյի հանդիպումը Ինդոնեզիայի նախագահ Պրաբովո Սուբիանտոյի հետ:
Արևելյան և Հարավարևելյան Ասիա այցերի միջոցով Բելառուսի նախագահը նպատակ ունի ընդլայնել տարածաշրջանի պետությունների հետ առևտրային, ներդրումային և տնտեսական կապերը: