1 րոպեի ընթերցում
ՀՀ կառավարության որոշմամբ Գյումրիի նախկին «Սամարիթեր» հիվանդանոցի մասնաշենքի նորոգման աշխատանքների համար հատկացվել է 110 մլն 309 հազար դրամ։ Նորոգման ավարտից հետո շենքում ժամանակավորապես կտեղակայվի «Գյումրու Ն. Ա. Մելիքյանի անվան թիվ 2 պոլիկլինիկա» ՓԲԸ-ն։ Այս լուծումը հնարավորություն կտա բուժհաստատությանը շարունակել բնականոն գործունեությունը՝ առանց քաղաքացիներին մատուցվող բուժծառայությունների ընդհատման։
Շիրակի մարզպետի աշխատակազմից «Արմենպրես»-ին տեղեկացրին, որ միաժամանակ շարունակվում են թիվ 2 պոլիկլինիկայի շենքի հիմնանորոգման աշխատանքները։ Այդ ծրագրի իրականացման համար ՀՀ կառավարությունն արդեն հատկացրել է շուրջ 1 մլրդ 450 մլն դրամ։
Ծրագրի ավարտից հետո բուժհաստատությունը կունենա արդիականացված ենթակառուցվածքներ, բարելավված պայմաններ և առավել հարմարավետ միջավայր ինչպես բուժանձնակազմի, այնպես էլ այցելուների համար։