1 րոպեի ընթերցում
Շիրակի մարզի Ախուրյան համայնքի Երազգավորս բնակավայրում մեկնարկել են 2-րդ փողոցի հիմնանորոգման աշխատանքները, որոնք իրականացվում են սուբվենցիոն ծրագրերի շրջանակում։
«Արմենպրես»-ի թղթակցին Ախուրյանի համայնքապետարանից հայտնեցին, որ խոշոր ծրագրի իրականացման նպատակով Հայաստանի Հանրապետության կառավարությունն ու Ախուրյան համայնքը համատեղ ներդրել են շուրջ 51 միլիոն դրամ։
Ծրագրի շրջանակում հիմնանորոգվում է ավելի քան կես կիլոմետր երկարությամբ ճանապարհահատված, ինչի արդյունքում բնակիչների համար կապահովվի առավել անվտանգ, հարմարավետ և բարեկարգ երթևեկություն։
«Այս նախագիծը համայնքի ենթակառուցվածքների բարելավման հերթական կարևոր քայլերից է՝ ուղղված բնակավայրերի համաչափ զարգացմանն ու բնակիչների կենսապայմանների որակի բարձրացմանը»,– հայտնեցին համայնքապետարանից։