1 րոպեի ընթերցում
Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Գրոսին չի բացառել, որ հունիսի 19-ին կարող է մեկնել շվեյցարական Բյուրգենշտոկ քաղաք, որտեղ կարող են սկսվել ԱՄՆ-ի և Իրանի ներկայացուցիչների միջև բանակցությունները։ «Արմենպրես»-ի փոխանցմամբ՝ այս մասին նա ասել է Ժնևում կայացած մամուլի ասուլիսում, որի տեսանյութը տարածել է APT-ն։
«Դրա հավանականությունը կա», - ասել է նա։
Փոխըմբռնման հուշագրի պաշտոնական ստորագրումը նախատեսված էր հունիսի 19-ին Ժնևում, սակայն ԱՄՆ-ի և Իրանի նախագահները ստորագրել են փաստաթուղթը, և այն անմիջապես ուժի մեջ է մտել։
Իրանի արտաքին գործերի նախարարության խոսնակ Էսմայիլ Բաղային հայտարարել է, որ Շվեյցարիայում բանակցությունների նոր փուլի անցկացման հարցը դեռևս քննարկվում է։
Շվեյցարիայի կառավարությունից էլ հայտնել են, որ ԱՄՆ-ի և Իրանի ներկայացուցիչները հունիսի 19-ին կհանդիպեն Բյուրգենշտոկում՝ նախնական բանակցությունների համար։