ԱՄՆ-ում Իրանին մեղադրել են երկրի կարևորագույն ենթակառուցվածքների դեմ կիբերհարձակումներ իրականացնելու մեջ
1 րոպեի ընթերցում

Իրանը և Թեհրանի հետ կապեր ունեցող հաքերները Մերձավոր Արևելքում հակամարտության սկզբից ի վեր կիբերհարձակումներ են իրականացրել ԱՄՆ-ի կենսական նշանակության ենթակառուցվածքների և տեղեկատվական ցանցերի դեմ։
Ինչպես հաղորդում է «Արմենպրես»-ը՝ վկայակոչելով «Ինտերֆաքս»-ը, այս մասին հայտարարել է ԱՄՆ ներքին անվտանգության նախարար Մարկուեյն Մալինը։
Bloomberg գործակալության փոխանցմամբ՝ նախարարը նման հայտարարություն է արել Կոնգրեսին ներկայացրած իր հայտարարության մեջ։
«2026 թվականի սկզբին Իրանի հետ հակամարտության մեկնարկից ի վեր իրանական պետական կիբերխմբավորումներն ու իրանամետ կիբերհանցագործները հարձակումներ են իրականացրել ԱՄՆ-ի կարևորագույն ենթակառուցվածքների ցանցերի դեմ»,- հայտարարել է նա։
Մալինի խոսքով՝ ԱՄՆ-ի տրանսպորտի, առողջապահության, ջրամատակարարման, էներգետիկայի և ֆինանսական ծառայությունների ոլորտներն ավելի ու ավելի հաճախ են դառնում իրանամետ ուժերի թիրախը։
Նախարարը չի հստակեցրել՝ արդյոք այդ կիբերհարձակումները կապված են անցած շաբաթ Microsoft ընկերության ծառայությունների և ԱՄՆ Դաշնային ավիացիոն վարչության համակարգերի աշխատանքի զանգվածային խափանումների հետ։