Իրանը հայտարարել է, որ Շվեյցարիայում նոր բանակցությունների հարցը քննարկվում է

Իրանի արտաքին գործերի նախարարության խոսնակ Էսմայիլ Բաղային հայտարարել է, որ Շվեյցարիայում բանակցությունների նոր փուլի անցկացման հարցը դեռևս քննարկվում է։ «Արմենպրես»-ի փոխանցմամբ՝ այս մասին հաղորդում է BBC-ն։

«Սպասվում է, որ քննարկումներն առաջիկա ժամերին կշարունակվեն դիվանագիտական ​​ուղիներով և միջնորդական ջանքերով», - հավելել է նա։

Միևնույն ժամանակ, ըստ Reuters գործակալության, Շվեյցարիայի կառավարությունից հայտնել են, որ ԱՄՆ-ի և Իրանի ներկայացուցիչները հունիսի 19-ին կհանդիպեն նախնական բանակցությունների համար։ Ըստ հայտարարության, որը մեջբերում է գործակալությունը, Բյուրգենշտոկ քաղաքում նախնական բանակցություններին կմասնակցեն ԱՄՆ-ն, Իրանը, ինչպես նաև միջնորդներ Պակիստանիը Կատարը և այլ ներգրավված երկրներ։ Հանդիպման ժամանակացույցի և մանրամասների վերաբերյալ այլ տեղեկություններ չկան։

Փոխըմբռնման հուշագրի պաշտոնական ստորագրումը նախատեսված էր հունիսի 19-ին Ժնևում, սակայն ԱՄՆ-ի և Իրանի նախագահները ստորագրել են փաստաթուղթը, և այն անմիջապես ուժի մեջ է մտել։