1 րոպեի ընթերցում
Շիրակի մարզի Արթիկ քաղաքում մեկնարկել են փողոցների հիմնանորոգման աշխատանքները: Ինչպես «Արմենպրես»-ին տեղեկացրին Արթիկի համայնքապետարանից, 2026 թվականի սուբվենցիոն ծրագրով մեկնարկել են Արթիկ քաղաքի Անկախության, Սվերդլովի, Չարենցի, Երկաթուղայինների փողոցների հիմնանորոգման աշխատանքները, որոնք իրականացնում է «Ճանշին» ՓԲԸ-ն։
Հիմնանորոգման ծրագրով նախատեսված է փողոցների երթևեկելի մասի ասֆալտապատում, մայթերի սալիկապատում, մայթեզրերի կառուցում, ջրահեռացման և կոյուղատար համակարգի կառուցում, լուսավորության նոր ցանցի անցկացում։
«Համայնքի ղեկավար Անան Ոսկանյանը տեղում «Ճանշին» ՓԲԸ-ի տնօրինության և համայնքապետարանի ոլորտային պատասխանատուների հետ քննարկել է նախագծի տեխնիկական առանձնահատկություններին առնչվող հարցեր։ Անան Ոսկանյանը շեշտել է, որ նշված փողոցների հիմնանորոգումն Արթիկ համայնքի 2026 թվականի ամենակարևոր և առանցքային ծրագրերից է և շինարարը աշխատանքները պետք է կատարի որակով, ավարտի նախատեսված ժամկետում, իսկ համայնքապետարանի աշխատակազմի կողմից դիտարկումները պետք է լինեն մշտական՝ թերությունները բացառելու նպատակով»,-նշեցին համայնքապետարանից։