368.06
ԱՄՆ-ն ողջունել է Հայաստանի և Թուրքիայի քայլերը Գյումրի-Կարս երկաթգծի գործարկման ուղղությամբ
1 րոպեի ընթերցում
Հայաստանում ԱՄՆ դեսպանությունը ողջունել է Հայաստանի և Թուրքիայի կողմից ձեռնարկվող կոնկրետ քայլերը Գյումրի-Կարս երկաթգծի վերակառուցման և գործարկման ուղղությամբ։
«Արմենպրես»-ի փոխանցմամբ՝ ԱՄՆ դեսպանությունն այդ մասին հայտարարություն է տարածել՝ անդրադառնալով Թուրքիայի Կարս քաղաքում կայացած Հայաստան-Թուրքիա աշխատանքային խմբի հանդիպմանը, որի ժամանակ քննարկվել է Գյումրի-Կարս երկաթգծի վերականգնման ու գործարկման հարցը։
«Պատմական առաջընթաց` խաղաղ ու բարգավաճ Հարավային Կովկասի կերտման ճանապարհին։
Այսօր Կարսում տեղի ունեցավ հայ և թուրք պաշտոնյաների հանդիպումը՝ ձևավորելու Կարս-Գյումրի երկաթգծի վերակառուցման հարցերով համատեղ աշխատանքային խումբ։ Հայաստանի և Թուրքիայի միջև այս առանցքային օղակի վերականգնումը տարածաշրջանային կապուղիների բացման և տարածաշրջանային կայունության ապահովման կարևոր քայլ է։ Այսօրինակ շրջադարձային զարգացումների համար հիմքեր էին նախապատրաստվել օգոստոսի 8-ին նախագահ Թրամփի հյուրընկալած Վաշինգտոնի գագաթնաժողովում։
ՀՀ-ում ԱՄՆ դեսպանությունը ողջունում է Հայաստանի և Թուրքիայի միջև տասնամյակներ շարունակ փակված տնտեսական ու հասարակական կապերի վերաբացման ուղղությամբ այս կոնկրետ քայլերի ձեռնարկումը»,- ասված է հայտարարության մեջ։
Բաժանորդագրվեք մեր ալիքին Telegram-ում