«Ուժեղ Հայաստան»-ը ԹՐԻՓՓ-ի իրականացման համար մեկից ավելի երաշխավորների անհրաժեշտություն է տեսնում

Հայաստանի Ազգային ժողովի «Ուժեղ Հայաստան» խմբակցության քարտուղար Տիգրան Աբրահամյանը կարծում է, որ ԹՐԻՓՓ նախագծի իրականացման համար անհրաժեշտ են մեկից ավելի երաշխավորներ։

«Արմենպրես»-ի հաղորդմամբ՝ ընդդիմադիր խմբակցության պատգամավորն այս դիրքորոշումը հայտնել է Ազգային ժողովի քառօրյա նիստերն ամփոփող ճեպազրույցի ժամանակ՝ պատասխանելով այն հարցին, թե արդյոք «Ուժեղ Հայաստան» խմբակցությունը կո՞ղմ կքվեարկեր ԹՐԻՓՓ նախագծին, եթե դրա իրականացման երաշխավորը լիներ Ռուսաստանը։

«Մենք կարծում ենք, որ խաղաղության համաձայնագիրն ու ԹՐԻՓՓ նախագիծը միասին պետք է քննարկվեին խորհրդարանում։ Եթե խաղաղության պայմանագիրը ստորագրված լիներ և ԹՐԻՓՓ-ի հետ միասին ներկայացվեր խորհրդարան, մեր խմբակցությունն այլ կերպ կքվեարկեր»,- ասել է Տիգրան Աբրահամյանը։

Նույն խմբակցությունից Արեգա Հովսեփյանն էլ իր հերթին շեշտել է, որ Հայաստանի և Ադրբեջանի միջև խաղաղության համաձայնագրի ստորագրման համար ևս պետք են մի քանի երաշխավորներ։

Հովսեփյանի պնդմամբ՝ ԹՐԻՓՓ-ի համար լավագույն երաշխիքը խաղաղության համաձայնագրի ստորագրումն է։

Հիշեցնենք, որ «Ուժեղ Հայաստան» և «Հայաստան» խմբակցությունները դեմ էին քվեարկել ԹՐԻՓՓ նախագծի իրականացման վերաբերյալ համաձայնագրին, որը Հայաստանի խորհրդարանն, այնուամենայնիվ, վավերացրել է։