Իրաքյան Քրդստանը վերսկսում է նավթի փոխադրումը թուրքական Ջեյհան նավահանգստով

Հյուսիսային Իրաքի քրդական շրջանի կառավարությունը մարտի 18-ին հայտարարել է դեպի թուրքական Ջեյհան նավահանգիստ տանող խողովակաշարով նավթի արտահանման վերսկսման մասին։ Ինչպես հաղորդում է «Արմենպրես»-ը, այս մասին հայտնում է Associated Press գործակալությունը։

Ջեյհանով նավթի արտահանումը դադարեցվել էր Իրանի դեմ ԱՄՆ-ի և Իսրայելի պատերազմի սկսվելուց ի վեր, երբ իրաքյան աշխարհազորայինները թիրախավորել էին տարածաշրջանի նավթավերամշակման գործարանները։

Իրաքյան Քրդստանի վարչապետ Մասրուր Բարզանին հանդես է եկել հայտարարությամբ՝ կարևորելով խողովակաշարի վերագործարկումը՝ որպես տնտեսական կայունությանը միտված քայլ։