1 րոպեի ընթերցում
Qatar Airways ավիափոխադրող ընկերությունը հայտարարել է, որ մարտի 5-ից սահմանափակ թվով թռիչքներ կիրականացնի՝ օգնելու տեղափոխել այն ուղևորներին, ովքեր պատերազմական իրադրությամբ պայմանավորված մնացել են տարածաշրջանում։
Ինչպես հաղորդում է «Արմենպրես»-ը, X-ում արված հայտարարության մեջ ավիաընկերությունից տեղեկացրել են, որ նախատեսվում են թռիչքներ Օմանի մայրաքաղաք Մասկատից դեպի Լոնդոն, Բեռլին, Կոպենհագեն, Մադրիդ, Հռոմ և Ամստերդամ։ Թռիչքի մյուս ուղղությունը լինելու է Սաուդյան Արաբիայի մայրաքաղաքից դեպի Ֆրանկֆուրտ։
Ավիափոխադրողը կոչ է արել ուղևորներին չուղևորվել օդանավակայաններ, քանի դեռ չեն ստացել պաշտոնական ծանուցում իրենց կողմից։
Qatar Airways-ից հիշեցրել են, որ ավիաընկերության՝ Դոհայից իրականացվող հիմնական չվերթները շարունակում են դադարեցված մնալ «Կատարի օդային տարածքի փակման պատճառով»։