1 րոպեի ընթերցում
Սպիտակ տունը Հարվարդի համալսարանից 1 միլիարդ դոլարի փոխհատուցում կպահանջի։ ԱՄՆ նախագահ Դոնալդ Թրամփն այս մասին գրել է Truth Social հարթակում, տեղեկացնում է «Արմենպրես»-ը։
«Ծայրահեղ հակասեմական Հարվարդի համալսարանը բազմաթիվ «անհեթեթություններ» է հաղորդում ձախողվող New York Times-ին…. Մենք այժմ 1 միլիարդ դոլարի փոխհատուցում ենք պահանջում և այլևս չենք ցանկանում ապագայում որևէ գործ ունենալ Հարվարդի համալսարանի հետ», - գրել է նա։
Հուլիսին հաղորդվել էր, որ Հարվարդի համալսարանը պատրաստակամություն է հայտնել կատարել Սպիտակ տան պահանջները և մինչև 500 միլիոն դոլար հատկացնել առկա սուր վեճը կարգավորելու համար։
Մինչ այդ The Wall Street Journal թերթը գրել էր, որ ԱՄՆ վարչակազմը պաշտոնական նամակ է ուղարկել Հարվարդի համալսարանի ղեկավարությանը՝ անգործության համար մեղադրանքներ ներկայացնելով համալսարանական ավանում հակասեմական միջադեպերի աճի ֆոնին։ Փաստաթղթում նշվել է, որ հրեա և իսրայելցի ուսանողները երկու տարի շարունակ ենթարկվել են հարձակումների, իսկ բուհը բավարար միջոցներ չի ձեռնարկել նրանց պաշտպանության համար։