ԱՄՆ-ն շարունակում է հանձնառու լինել Հայաստանի և Ադրբեջանի միջև խաղաղության հաստատման աշխատանքին. Քրիստինա Քվին
1 րոպեի ընթերցում
«Հայաստանը և խաղաղությունը ռիսկերի ու հնարավորությունների խաչմերուկում» թեմայով քննարկում՝ ՄԱՀՀԻ անվտանգային ֆորումի շրջանակում
Ամերիկայի Միացյալ Նահանգները շարունակում է հանձնառու լինել Հայաստանի և Ադրբեջանի միջև խաղաղության հաստատման աշխատանքին:
«Արմենպրես»-ի փոխանցմամբ՝ այս մասին «Հայաստանը և խաղաղությունը ռիսկերի ու հնարավորությունների խաչմերուկում» քննարկմանը հայտարարեց Հայաստանի Հանրապետությունում ԱՄՆ դեսպան Քրիստինա Քվինը:
«Շարունակում ենք հանձնառու լինել Հայաստանի, Ադրբեջանի, տարածաշրջանի այլ գործընկերների հետ աշխատանքին՝ տեսնելու, որ այն բոլոր քայլերը, որոնք մենք արել ենք, հասնում են իրենց տրամաբանական եզրահանգմանը և դրանով բերենք տրամաբանական և արդար խաղաղություն և բարգավաճում Հայաստանին և Ադրբեջանին»,- ասաց դեսպանը:
Քրիստինա Քվինը հույս հայտնեց, որ այս քայլով կտրվի նոր ժամանակաշրջանի մեկնարկը, որտեղ Հայաստանը տարածաշրջանի համար կլինի տնտեսական հանգույց և տեղեկատվական տեխնոլոգիաների կենտրոն: