ԱՄՆ ֆինանսների նախարարությունը նոր պատժամիջոցներ է սահմանել Իրանի դեմ

ԱՄՆ ֆինանսների նախարարությունը հայտարարել է Իրանի դեմ պատժամիջոցների ցանկի ընդլայնման մասին՝ դրանում ներառելով ևս 16 անձի և 11 ընկերության։ Այդ մասին տեղեկացնում է «Արմենպրես»-ը՝ վկայակոչելով Reuters-ը։

ԱՄՆ ֆինանսների նախարարության՝ Արտասահմանյան ակտիվների վերահսկման գրասենյակի հայտարարության համաձայն՝ պատժամիջոցներ են սահմանվել 16 իրանցիների նկատմամբ։ Սահմանափակող նոր միջոցները տարածվել են նաև 11 իրավաբանական անձանց վրա։ 

Ըստ ԱՄՆ ֆինանսների նախարարության՝ վերոհիշյալ ընկերությունները գրանցված են Իրանում, Իրաքում, Չինաստանում և Կուբայում։