1 րոպեի ընթերցում
Սիրիայի Ռակկա նահանգի Մաադան շրջանում նոյեմբերի 20-ի վաղ առավոտյան սիրիական բանակի դիրքերի վրա քրդերի գլխավորած «Սիրիայի դեմոկրատական ուժերի» հարձակման հետևանքով երկու զինվոր է զոհվել, կան նաև վիրավորներ։ «Արմենպրես»-ի փոխանցմամբ՝ այս մասին հայտնում է սիրիական SANA գործակալությունը՝ վկայակոչելով Պաշտպանության նախարարությունը։
Սիրիայի ՊՆ հաղորդագրության համաձայն՝ տարբեր տեսակի զենքերով ծանր հրետակոծությունից հետո քրդական ուժերը գրավել են մի քանի դիրքեր։
Բախումները տեղի են ունեցել քրդական ուժերի և Սիրիայի պաշտպանության ուժերի միջև լարվածության սրման ֆոնին․ շփման գոտիներում ավելի քան տասը օր անընդմեջ փոխհրաձգություններ են տեղի ունենում Մաադան քաղաքի մոտակայքում։