Հնդկաստանը շարունակում է ռուսական նավթ գնել. ՌԴ ԱԳՆ

Հնդկաստանը չի դադարեցրել ռուսական նավթի գնումը: «Արմենպրես»-ի փոխանցմամբ՝ այս մասին հաղորդում է «Ինտերֆաքս» գործակալությունը՝ վկայակոչելով Ռուսաստանի արտաքին գործերի փոխնախարար Անդրեյ Ռուդենկոյին։

«Կարող եմ ասել, որ Հնդկաստանը շարունակում է ռուսական նավթ գնել», - Մոսկվայում լրագրողների հետ զրույցում ընդգծել է նա՝ մեկնաբանելով ԱՄՆ նախագահ Դոնալդ Թրամփի վերջերս արած հայտարարություններն այն մասին, որ հնդկական կողմը գործնականում դադարեցրել է Ռուսաստանից նավթ գնելը։