1 րոպեի ընթերցում
Ամասիայի միջնակարգ դպրոցում բացվել է Ավստրիական զարգացման համագործակցության կողմից ֆինանսավորված «Տեղական ռեսուրսների բացահայտման և զբոսաշրջության» էկո-գաստրո ակումբի սմարթ դասասենյակ։ Նախաձեռնությանը մասնակցել է նաև Ամասիայի համայնքապետարանը՝ ծրագրի իրականացման նպատակով տրամադրելով 1 միլիոն 200 հազար դրամ։
Ինչպես «Արմենպրես»-ին տեղեկացրին Ամասիայի համայնքապետարանից, նոր սմարթ դասասենյակը հնարավորություն կտա աշակերտներին նորարարական ձևաչափով ուսումնասիրել բնությունը, բացահայտել համայնքի զբոսաշրջային ուղղություններն ու ծանոթանալ հայկական ավանդական ուտեստների պատրաստման մշակույթին։
Բացման արարողությանը մասնակցած Ամասիա համայնքի ղեկավար Ջեմմա Հարությունյանը շնորհավորել է դպրոցին նոր ու ժամանակակից սմարթ դասարան ունենալու առթիվ՝ ընդգծելով, որ տեխնիկական նոր հնարավորությունները կնպաստեն աշակերտների գիտելիքների ամրապնդմանը և կրթական առաջընթացին։