Թրամփն ափսոսանք է հայտնել, որ չի կարող թեկնածությունն առաջադրել երրորդ ժամկետի համար
1 րոպեի ընթերցում
ԱՄՆ նախագահ Դոնալդ Թրամփը կարծում է, որ երրորդ ժամկետով վերընտրվելու հեռանկարն անիրատեսական է։ «Արմենպրես»-ի փոխանցմամբ՝ այս մասին նա լրագրողներին ասել է նախագահական ինքնաթիռում՝ Ճապոնիայից Հարավային Կորեա մեկնելիս:
Թրամփն ընդգծել է իր նախագահության ընթացքում ցուցաբերած «լավագույն» արդյունքները։
«Միանգամայն ակնհայտ է, որ ինձ չի թույլատրվում կրկին թեկնածություն առաջադրել նախագահի պաշտոնի համար։ Դա շատ վատ է: Դա անհեթեթություն է», - ասել է Թրամփը լրագրողների հետ զրույցում, որի ձայնագրությունը տարածել է Forbes Breaking News-ը։
Այնուամենայնիվ, նա նշել է, որ ԱՄՆ-ում բազմաթիվ հրաշալի մարդիկ կան այդ պաշտոնին արժանի։
ԱՄՆ նախագահի համար ժամկետների քանակի սահմանափակումը հաստատում է ամերիկյան Սահմանադրության 22-րդ ուղղումը։ Այնտեղ ամրագրված է, որ նույն անձը չի կարող պաշտոնավարել երկու ժամկետից ավելի, անկախ այն բանից՝ դրանք անընդմեջ են, թե ընդմիջումով։