Առաջիկա ժամերը վճռորոշ կլինեն Իրանի միջուկային ծրագրի համար. Մակրոն

2 րոպեի ընթերցում

Իրանի դեմ ՄԱԿ-ի Անվտանգության խորհրդի սահմանած պատժամիջոցների վերականգնման հարցը կարող է լուծվել առաջիկա ժամերին:  

«Արմենպրես»-ի փոխանցմամբ՝ այդ մասին հայտարարել է Ֆրանսիայի նախագահ Էմանուել Մակրոնը՝ ելույթ ունենալով ՄԱԿ-ի Գլխավոր ասամբլեայի 80-րդ նստաշրջանի ընդհանուր քաղաքական  քննարկման ժամանակ:

«Առաջիկա ժամերը վճռորոշ կլինեն: Կամ Իրանը բարի կամքի ժեստ կանի, կվերադառնա խաղաղության և պատասխանատվության ուղի, Ատոմային էներգիայի միջազգային գործակալությանը թույլ կտա կատարել իր աշխատանքը և կտեղափոխի հարստացված ուրանի իր պաշարները, կամ պատժամիջոցները պետք է ուժի մեջ մտնեն: Վաղը ես հնարավորություն կունենամ քննարկել դա Իրանի նախագահ Մասուդ Փեզեշքիանի հետ», - ասել է Մակրոնը:

Ֆրանսիայի ղեկավարն Իրանի միջուկային ծրագրի շուրջ փոխզիջման բացակայության պատասխանատվությունը լիովին բարդել է Թեհրանի վրա և կոչ է արել վերականգնել դրա նկատմամբ վերահսկողությունը: Նրա խոսքով՝ «համապատասխան ծրագիրն արդեն գոյություն ունի»: 

«Անհապաղ անհրաժեշտ է վերականգնել միջուկային զենքի տարածման դեմ պայքարի հուսալի և ստուգման ենթակա համակարգը, սպառնալիքների և բալիստիկ հրթիռների տարածումը կասեցնելու հուսալի համակարգը», - հայտարարել է Մակրոնը՝ թվարկելով սպառնալիքների երկար ցանկը, որոնք, նրա խոսքով, «թուլացրել են ընդհանուր շրջանակները»։

Ավելի վաղ «եվրաեռյակի» երկրները (Մեծ Բրիտանիա, Գերմանիա և Ֆրանսիա) և Եվրամիությունը Իրանին կոչ են արել վերսկսել ԱՄՆ-ի հետ ուղղակի բանակցությունները և ԱԷՄԳ-ին մուտք տրամադրել բոլոր միջուկային օբյեկտներ։ Նրանք նաև հայտարարել են, որ կողմնակից են հարցի դիվանագիտական ​​​​լուծմանը, սակայն պատրաստ են անհրաժեշտության դեպքում ավարտել ՄԱԿ-ի Անվտանգության խորհրդի հակաիրանական պատժամիջոցների վերականգնման snapback մեխանիզմը՝ շեշտելով, որ դա կնշանակի փոխգործակցության ավարտ: 

Հայերեն Русский

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել

Հայաստանում անցկացվել է ԵԱՏՄ անդամ պետությունների մաքսային ծառայությունների միավորված կոլեգիայի 56-րդ նիստը

ԵԽ ներկայացուցիչների հետ քննարկվել են մարզական մրցումների մեքենայությունների դեմ պայքարի ազգային հարթակի ստեղծման հարցերը

Հրազդանում կստեղծվի տեխնոլոգիական քոլեջ. առաջին ընդունելությունը նախատեսվում է 2027 թվականին

Թվային լուծումներ՝ մեկ էկոհամակարգում․ IDBank-ը՝ DigiTec 2026-ում