Իրանում ԱԷՄԳ-ի տեսչական ստուգումները երկիրը զերծ կպահեն միջուկային օբյեկտների դեմ հարվածներից. Գրոսի
1 րոպեի ընթերցում
Ատոմային էներգիայի միջազգային գործակալության (ԱԷՄԳ) կողմից Իրանում լրիվ ծավալով տեսչական ստուգումների վերսկսումը կնվազեցնի Իսլամական Հանրապետության միջուկային օբյեկտներին հարվածների հավանականությունը: «Արմենպրես»-ի փոխանցմամբ՝ նման հայտարարություն է արել կազմակերպության գլխավոր տնօրեն Ռաֆայել Գրոսին Կառավարիչների խորհրդի հերթական նստաշրջանի բացումից հետո կայացած մամուլի ասուլիսում:
Գրոսիին հարց են ուղղել՝ արդյոք գործակլության տեսուչների ներկայությունն Իրանի միջուկային օբյեկտներում չի ստեղծի տեղեկատվության արտահոսքի սպառնալիք, որը կարող է արտաքին դերակատարների կողմից օգտագործվել Թեհրանի դեմ:
«Ես անկեղծորեն կարծում եմ, որ եթե ԱԷՄԳ-ն վերականգնի իր գործունեությունն Իրանում տեսչական ստուգումների լրիվ ծավալով, ապա (Իրանի դեմ) հետագա ռազմական գործողությունների հավանականությունը կնվազի, - Գրոսիի խոսքերն է մեջբերում ՏԱՍՍ-ը։ - ԱԷՄԳ-ն տեղեկատվության արտահոսք թույլ չի տալիս, դա բացառված է», - ընդգծել է Գրոսին: