ԱՄՆ նախագահը հայտարարել է, որ դեռևս չի պատրաստվում լրացուցիչ պատժամիջոցներ կիրառել Ռուսաստանի դեմ
1 րոպեի ընթերցում
ԱՄՆ նախագահ Դոնալդ Թրամփը հայտարարել է, որ առայժմ իմաստ չի տեսնում Ռուսաստանի դեմ լրացուցիչ պատժամիջոցների մասին մտածելու, քանի որ Ռուսաստանի նախագահ Վլադիմիր Պուտինի հետ իր հանդիպումը հաջող է եղել։
«Արմենպրես»-ի փոխանցմամբ՝ ԱՄՆ նախագահն այս մասին հայտնել է Fox News-ին տված հարցազրույցում։
«Այսօր, կարծում եմ, դրա մասին մտածելու կարիք չկա։ Կտեսնենք, թե ինչ կլինի երկու կամ երեք շաբաթից։ Բայց այսօրվա հանդիպումը անցել է լավ», - ասել է նա:
Պատասխանելով նաև հարցին, թե արդյոք Պուտինը իր հետ հանդիպմանը համաձայնվել է Ռուսաստանի վրա գործադրված ճնշման արդյունքում՝ Թրամփը նշել է.
«Նա խելացի է, և չի եկել բանակցությունների, քանի որ ինչ-որ մեկը ճնշում էր գործադրում իր վրա»։