1 րոպեի ընթերցում
Գեղարքունիքի մարզի Գավառ համայնքի ղեկավար Գուրգեն Մարտիրոսյանն ընդունել, շնորհավորել և պարգևատրել է Գավառի Գրիշա Ափրոյանի անվան մարզադպրոցի Գանձակի ստորաբաժանման «Այկիկենդո» կարատեի խմբի մարզիկներին և մարզիչ Արաքս Մարգարյանին, որոնք վերջերս պատվով են ներկայացրել Հայաստանը Վրաստանի մայրաքաղաք Թբիլիսիում անցկացվող «Սավատ» բոքսի միջազգային բաց առաջնությունում։
Ինչպես «Արմենպրես»-ին տեղեկացրին Գավառի համայնքապետարանի աշխատակազմից, միջազգային մրցաշարում իրենց ուժերն են չափել Հայաստանի, Վրաստանի, Ադրբեջանի և Թուրքիայի ներկայացուցիչները։ Մեր մարզիկներից տպավորիչ արդյունքներ են գրանցել և Կովկասի չեմպիոնի պատվավոր կոչումը վաստակել Գավառի մարզադպրոցի սաներ Ավետ Շաքարյանը, Ռոլանդ Խաչատրյանը և Ռուբեն Մադաթյանը։ Արծաթե մեդալ է նվաճել Հայկ Մանուկյանը, բրոնզե մեդալ՝ Վոլոդյա Կիրակոսյանը։
Գուրգեն Մարտիրոսյանը խրախուսել է նաև վերջերս Երևանի «Դինամո» մարզադահլիճում կայացած «Տորնադո» միջազգային կարատեի առաջնությունում չեմպիոնական գոտի նվաճած Խաչիկ Ասատրյանին և Էրիկ Բադալյանին ու 2-րդ տեղ զբաղեցրած Նարեկ Ասատրյանին։