1 րոպեի ընթերցում
ԱՄՆ նախագահ Դոնալդ Թրամփը չի կարծում, թե Ուկրաինան երբևիցե կկարողանա անդամակցել ՆԱՏՕ-ին։ «Արմենպրես»-ի փոխանցմամբ՝ այդ մասին նա հայտարարել է Time հանդեսին տված հարցազրույցում։
«Չեմ կարծում, թե նրանք երբևիցե կկարողանան անդամակցել ՆԱՏՕ-ին։ Կարծում եմ՝ հենց դա է այս պատերազմի պատճառ դարձել, երբ նրանք սկսեցին խոսել ՆԱՏՕ-ին միանալու մասին։ Եթե այդ թեման չշոշափվեր, շատ ավելի մեծ հավանականություն կա, որ այն (պատերազմը) չէր սկսվի», - նշել է նա։
Իր հերթին Reuters-ը հրապարակել է ռուս-ուկրաինական հակամարտության կարգավորման առաջարկների նախագծերը։ Ըստ ամերիկյան փաստաթղթի՝ Կիևը չպետք է ձգտի միանալ ՆԱՏՕ-ին։