1 րոպեի ընթերցում
ՀՀ Գեղարքունիքի մարզպետ Կարեն Սարգսյանի նախաձեռնությամբ և ՀՀ կրթության, գիտության, մշակույթի և սպորտի նախարարության աջակցությամբ մարզում հայտարարված թատերական երկամսյակի շրջանակներում կայացել է մարզային թատրոնի ու թատերասերների 9-րդ հանդիպումը։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմից, Գավառի Լևոն Քալանթարի անվան պետական դրամատիկական թատրոնը հյուրընկալել էր Վանաձորի Հովհաննես Աբելյանի անվան պետական դրամատիկական թատրոնի դերասաններին, որոնց կատարմամբ բեմադրվել է «Ես միայն զանգահարելու եմ եկել» դրաման, ռեժիսոր՝ Մարիամ Մնացականյան։
Ներկայացումը դիտել են Գեղարքունիքի մարզի տարբեր համայնքներից մարզային ենթակայության հանրակրթական հաստատությունների մանկավարժներ, աշխատակիցներ, կրթա-մշակութային հաստատությունների կոլեկտիվներ, մարզում գործող բարձրագույն և միջնակարգ մասնագիտական ուսումնական հաստատությունների պրոֆեսորադասախոսական անձնակազմեր, ավագ տարիքի դպրոցականներ, քաղաքացիներ։
Նախաձեռնության շրջանակներում հաջորդ և վերջին հանդիպումը Գեղարքունիքի մարզային թատրոնում կկայանա ապրիլի 28-ին։