Գեղարքունիքցի թատերասերները հյուրընկալել են Արտաշատի Ամո Խարազյանի անվան պետական դրամատիկական թատրոնի դերասաններին
1 րոպեի ընթերցում
Գեղարքունիքի մարզի Գավառ քաղաքի Լևոն Քալանթարի անվան պետական դրամատիկական թատրոնը հյուրընկալել է Արտաշատի Ամո Խարազյանի անվան պետական դրամատիկական թատրոնի դերասաններին։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի ԿՄՍ վարչությունից, հանդիպումը կայացել է մարզում հայտարարված թատերական երկամսյակի շրջանակներում։
Արտաշատի թատրոնի դերասանների ուժերով բեմադրվել է ռեժիսոր Կարեն Խաչատրյանի «Մայրը» ստեղծագործությունը։
Գեղարքունիքի մարզպետ Կարեն Սարգսյանի նախաձեռնությամբ և ԿԳՄՍ նախարարության աջակցությամբ մարզում հայտարարված թատերական երկամսյակի շրջանակներում սա 8-րդ բեմադրությունն էր։
Հերթական հանդիպումը մարզի թատրոնում կկայանա ապրիլի 19-ին։