Արաղչին և Գրոսին «օգտակար» հանդիպում են անցկացրել Թեհրանում

2 րոպեի ընթերցում

Իրանի արտաքին գործերի նախարար Աբբաս Արաղչին ապրիլի 16-ին Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Գրոսիի հետ Թեհրանում հանդիպում է ունեցել, որի ընթացքում տեղի են ունեցել «օգտակար» քննարկումներ։ «Արմենպրես»-ի փոխանցմամբ՝ այս մասին Արաղչին գրել է X սոցիալական հարթակում։

«Օգտակար քննարկում ունեցա ԱԷՄԳ-ի ղեկավար Գրոսիի հետ։ Առաջիկա ամիսներին գործակալությունը կարող է առանցքային դերակատարում ունենալ իրանական միջուկային գործի խաղաղ կարգավորման հարցում», - գրել է նա։

Գրոսին իր հերթին X-ում գրել է, որ Արաղչիի հետ հանդիպումը կարևոր էր։

«ԱԷՄԳ-ի հետ համագործակցությունն անփոխարինելի է՝ վստահելի երաշխիքներ տրամադրելու Իրանի միջուկային ծրագրի խաղաղ բնույթի վերաբերյալ այն ժամանակ, երբ դիվանագիտության հրատապ կարիք կա», - գրել է ԱԷՄԳ-ի ղեկավարը:

Հանդիպման մասին հաղորդագրություն է տարածել նաև Իրանի արտգործնախարարությունն իր Telegram ալիքում, ըստ որի՝ Արաղչին գործակալությանը կոչ է արել կատարել իր ստանձնած  պարտավորությունները՝ «տեղի չտալով որոշ երկրների կողմից անհիմն ճնշումներին»։ Նախարարը վերահաստատել է Իրանի «վճռականությունը՝ շարունակելու փոխգործակցել և համագործակցել ԱԷՄԳ-ի հետ միջազգային-իրավական պարտավորությունների շրջանակներում»՝ կարգավորելու իրանական միջուկային ծրագրի շուրջ ստեղծված իրավիճակը։ Արաղչին նաև Գրոսիին տեղեկացրել է Թեհրանի և Վաշինգտոնի միջև բանակցությունների ընթացքի մասին։

Ավելի վաղ Իրանի արտաքին գործերի փոխնախարար Քազեմ Ղարիբ Աբադին հայտնել էր, որ Գրոսին կհանդիպի նաև երկրի Ատոմային էներգիայի կազմակերպության ղեկավար Մոհամմադ Էսլամիի հետ։

Ապրիլի 12-ին Օմանում տեղի են ունեցել Թեհրանի և Վաշինգտոնի ներկայացուցիչների անուղղակի բանակցություններն իրանական միջուկային ծրագրի շուրջ ստեղծված իրավիճակի կարգավորման շուրջ։ Բանակցությունների երկրորդ փուլը կկայանա Օմանում ապրիլի 19-ին:

Հայերեն Русский

Վահան Կոստանյանը Ալբանիայի գործընկերոջ հետ քննարկել է երկկողմ օրակարգի ընդլայնման հեռանկարները

«Երևանի ավտոբուս»-ում մեկնարկել է «Հայգեր» մակնիշի ավտոբուսների նվիրատվության գործընթաց

Հայաստանն ընդունել է Գազայից երեք պաղեստինցի երեխաների` խիստ անհրաժեշտ մասնագիտացված բժշկական օգնություն ցուցաբերելու նպատակով

ԱԳՄԱ նախարարի տեղակալը մասնակցել է Ասիա-խաղաղօվկիանոսյան տարածաշրջանի տրանսպորտի հարցերով նախարարական հինգերորդ համաժողովի եզրափակիչ նիստին

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել