1 րոպեի ընթերցում
Ալժիրի իշխանությունները որոշում են կայացրել վտարել 12 ֆրանսիացի դիվանագետի։
Ինչպես հաղորդում է «Արմենպրես»-ը, այդ մասին հայտնել է Le Figaro թերթը՝ վկայակոչելով Ֆրանսիայի արտաքին գործերի նախարարության ղեկավար Ժան-Նոել Բարոյին։
«Ալժիրի իշխանությունները մեր 12 աշխատակիցների խնդրել են 48 ժամվա ընթացքում լքել երկրի տարածքը»,- ասել է նախարարը։
Արտաքին քաղաքական գերատեսչության ղեկավարը հավելել է, որ Ալժիրն արտաքսում է դիվանագետներին՝ ի պատասխան Ֆրանսիայում ալժիրցի երեք քաղաքացիների ձերբակալման, որոնց կասկածում են Ֆրանսիայի տարածքում իրավախախտումների մեջ։
Ինչպես նշել է Բարոն, Ալժիրի այդ քայլն անպատասխան չի մնա։