1 րոպեի ընթերցում
ՌԴ նախագահի մամուլի քարտուղար Դմիտրի Պեսկովի համոզմամբ՝ Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հանդիպման վերաբերյալ հասարակության ակնկալիքները մոտ են մաքսիմալիստականին, սակայն իրավիճակն ավելի բարդ է և ավելի շատ ժամանակ է պահանջում նախապատրաստվելու համար։
«Արմենպրես»-ի հաղորդմամբ՝ ինչպես փոխանցում է «ՌԻԱ Նովոստի»-ն, այս մասին Դմիտրի Պեսկովը հայտարարել է լրագրողներից մեկի հետ զրույցում։
Կրեմլի ներկայացուցիչը նշել է, որ Մոսկվայի և Վաշինգտոնի միջև երկխոսության վերսկսումից անհապաղ արդյունքներ ակնկալելն անհնար է։
«Իհարկե, անհապաղ արդյունք ակնկալել հնարավոր չէ, խնդիրները չափազանց բարդ են, և դրանք չափազանց անտեսված են եղել»,- ասել է ՌԴ նախագահի մամուլի քարտուղարը։