Ֆրանսիան, Եգիպտոսը և Հորդանանը հայտարարել են, որ պատերազմից հետո Գազայի հատվածը պետք է վերահսկի Պաղեստինի ինքնավարությունը

3 րոպեի ընթերցում

Ֆրանսիայի և Եգիպտոսի նախագահներ Էմանուել Մակրոնը և Աբդել Ֆաթթահ ալ-Սիսին, ինչպես նաև Հորդանանի թագավոր Աբդալլահ II-ը Կահիրեում անցկացրել են եռակողմ գագաթնաժողով Գազայում տիրող իրավիճակի վերաբերյալ։ «Արմենպրես»-ի փոխանցմամբ՝ այս մասին հաղորդում է CNN-ը։

Հորդանանի, Եգիպտոսի և Ֆրանսիայի ղեկավարները համատեղ հայտարարությամբ կոչ են արել «անհապաղ վերականգնել Գազայի հատվածում հրադադարը և իրականացնել հունվարի 19-ին ստորագրված համաձայնագիրը, որը նախատեսում է բոլոր պատանդների ազատ արձակման և բոլորի անվտանգության երաշխիքը»՝ ընդգծելով նաև հումանիտար օգնություն տրամադրելու անհրաժեշտությունը։

Ֆրանսիայի, Եգիպտոսի և Հորդանանի առաջնորդները հայտարարել են, որ Պաղեստինի ինքնավարությունը պետք է ստանձնի Գազայի հետպատերազմյան կառավարումը: 

«Գազայի, ինչպես նաև պաղեստինյան բոլոր տարածքների կառավարումը, օրենքն ու կարգուկանոնը, ինչպես նաև անվտանգությունը միջազգային աջակցությամբ պետք է լինեն Պաղեստինի ինքնավարության պատասխանատվության ներքո», - ասվում է երեք պետությունների ղեկավարների համատեղ հայտարարության մեջ: 

Նրանք նաև մտահոգություն են հայտնել «Հորդանան գետի Արևմտյան ափին և Արևելյան Երուսաղեմում հումանիտար իրավիճակի վատթարացման կապակցությամբ»:

Հայտարարության մեջ առաջնորդները մերժել են իրենց հողից պաղեստինցիների տեղահանման և պաղեստինյան տարածքների բռնակցման ցանկացած փորձ: Նրանք նաև կոչ են արել միջազգային աջակցություն ցուցաբերել Գազայի վերականգնման ծրագրին, որն ընդունվել է մարտի 4-ին Կահիրեում կայացած Արաբական գագաթնաժողովում և հաստատվել մարտի 7-ին Իսլամական համագործակցության կազմակերպության կողմից:

Եգիպտոսի նախագահի գրասենյակը հայտարարություն է տարածել, համաձայն որի՝ եռակողմ գագաթնաժողովի շրջանակում Եգիպտոսի, Ֆրանսիայի և Հորդանանի առաջնորդներն ապրիլի 7-ին համատեղ հեռախոսազրույց են ունեցել ԱՄՆ նախագահ Դոնալդ Թրամփի հետ՝ քննարկելով Գազայի հատվածում հրատապ հրադադար ապահովելու ուղիները:

Ֆրանսիայի նախագահ Էմանուել Մակրոնը ապրիլի 6-ի երեկոյան մեկնարկել է պաշտոնական այցը Եգիպտոս, որի նպատակն է քննարկել Գազայի հատվածում պատերազմին վերջ տալու հնարավորությունները:

Մերձավոր Արևելք

Թրամփը Գազայի հատվածը «կարևոր անշարժ գույք» է անվանել

Հայերեն Русский

Վահան Կոստանյանը Ալբանիայի գործընկերոջ հետ քննարկել է երկկողմ օրակարգի ընդլայնման հեռանկարները

«Երևանի ավտոբուս»-ում մեկնարկել է «Հայգեր» մակնիշի ավտոբուսների նվիրատվության գործընթաց

Հայաստանն ընդունել է Գազայից երեք պաղեստինցի երեխաների` խիստ անհրաժեշտ մասնագիտացված բժշկական օգնություն ցուցաբերելու նպատակով

ԱԳՄԱ նախարարի տեղակալը մասնակցել է Ասիա-խաղաղօվկիանոսյան տարածաշրջանի տրանսպորտի հարցերով նախարարական հինգերորդ համաժողովի եզրափակիչ նիստին

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել