CENTCOM-ի ղեկավարը բանակցություններ է վարել Սաուդյան Արաբիայի պաշտպանության նախարարի հետ
1 րոպեի ընթերցում

Մերձավոր Արևելքում ԱՄՆ զինված ուժերի կենտրոնական հրամանատարության (CENTCOM) ղեկավար ծովակալ Բրեդ Քուփերը Էր Ռիյադում հանդիպում է ունեցել Սաուդյան Արաբիայի պաշտպանության նախարար արքայազն Խալիդ բեն Սալմանի հետ: «Արմենպրես»-ի փոխանցմամբ՝ այս մասին հաղորդում է SPA գործակալությունը։
Կողմերը քննարկել են Միացյալ Նահանգների և Սաուդյան Արաբիայի միջև պաշտպանության բնագավառում համագործակցության ամրապնդման ուղիները, ինչպես նաև տարածաշրջանում անվտանգության, կայունության և խաղաղության ապահովմանն ուղղված ջանքերը։
Էր Ռիադ այցից առաջ Քուփերը Թել Ավիվում հանդիպել էր Իսրայելի հետախուզական ծառայության՝ «Մոսադ»-ի ղեկավարի և Իսրայելի պաշտպանության բանակի գլխավոր շտաբի պետի հետ։
Իսրայելական կողմը հաղորդել է, որ քննարկումները կենտրոնացած են եղել տարածաշրջանային անվտանգության խնդիրների և ռազմական պատրաստվածության բարձրացման ու Միացյալ Նահանգների հետ համակարգման ամրապնդման վրա։