Մերձավոր Արևելք

Արաբական կոալիցիան հաղորդել է Էր Ռիադի վրա հութիների արձակած թևավոր հրթիռի կալանման մասին

1 րոպեի ընթերցում

Արաբական կոալիցիան հաղորդել է Էր Ռիադի վրա հութիների արձակած թևավոր հրթիռի կալանման մասին

Սաուդյան Արաբիայի գլխավորած արաբական կոալիցիան հայտարարել է թևավոր հրթիռի կալանման մասին, որը Եմենի հութիների կողմից արձակվել է թագավորության մայրաքաղաքի ուղղությամբ: «Արմենպրես»-ի փոխանցմամբ՝ այս մասին հայտարարել է կոալիցիայի ներկայացուցիչ Թուրքի ալ Մալիքին X հարթակում։

«Թևավոր հրթիռը, որը հութիների ահաբեկչական աշխարհազորն արձակել է Էր Ռիադի ուղղությամբ, կալանվել և ոչնչացվել է», - գրել է նա։

Կոալիցիան, որն աջակցում է Եմենի միջազգայնորեն ճանաչված կառավարությանը հութիների դեմ պատերազմում, հարձակումների թվի կտրուկ աճի է բախվել այն բանից հետո, երբ սեպտեմբերին ռազմական գործողություններն ինտենսիվացան։

Վերջին շաբաթներին հութիները հարվածներ են հասցրել Սաուդյան Արաբիայի մի շարք օբյեկտների, այդ թվում՝ օդանավակայաններին, էներգետիկ ենթակառուցվածքներին, ռազմաբազաներին ու թագավորության մայրաքաղաք Էր Ռիադին։

Եմենի կառավարական ուժերն օրերս հայտարարեցին Բաբ էլ Մանդեբի նեղուցի մերձակա հատվածներից նահանջելու մասին՝ իրենց ժամանակավոր մայրաքաղաք Ադենը պաշտպանելու համար։

Կարդացեք հոդվածը` Русский
AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում