Ըստ վարչապետի՝ մեր փողոցներում տասնյակ հազարավոր «անիվներով դագաղներ» են շրջում

ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ։ ՀՀ վարչապետ Նիկոլ Փաշինյանը անդրադարձավ Հայաստանում հին ավտոմեքենաների առկայության խնդրին ճանապարհատրանսպորտային պատահարների աճի համատեքստում։ «Արմենպրես»-ի հաղորդմամբ՝ Ազգային ժողովում կառավարության հարցուպատասխանի ժամանակ ՀՀ վարչապետ Նիկոլ Փաշինյանը նշեց, որ դեռևս գնահատված չէ, թե հին ավտոմեքենաները ինչ ազդեցություն ունեն ճանապարհատրանսպորտային պատահարների վրա։

«Մեքենան կարելի է նորոգել 1 անգամ, 5 անգամ, 10 անգամ, բայց մեզ մոտ դրանք նորոգվում են 100, 200, 400 անգամ։ Մեր փողոցներում տասնյակ հազարավոր մեքենաներ են շրջում, որոնք ժողովրդական լեզվով շատ ճիշտ անվանում են՝ «անիվներով դագաղ»։

Եթե կառավարությունը որոշում կայացնի և ասի, որ «անիվներով դագաղները» հանում ենք, մեզ շատ լեգիտիմ փաստարկ կլինի, որ մարդիկ տաս տարի առաջ չեն իմացել, որ 15 տարի հետո Հայաստանում «անիվներով դագաղները» պետք է արգելվեն»,- ընդգծել Փաշինյանը։