1 րոպեի ընթերցում
ԳԱՎԱՌ, 5 ՆՈՅԵՄԲԵՐԻ, ԱՐՄԵՆՊՐԵՍ։ Գեղարքունիքի մարզի Գավառ քաղաքի Դեմիրճյան փողոցում արդեն ավարտվել են հիմնանորոգման աշխատանքները ՀՀ կառավարության կողմից իրականացվող սուբվենցիոն ծրագրերի շրջանակներում։
Ինչպես «Արմենպրես»-ը տեղեկացավ Գավառի համայնքապետարանի աշխատակազմից, շինարարական աշխատանքների մեկնարկը տրվել էր 2024 թվականի հուլիսին։
Գավառի Դեմիրճյան փողոցի հիմնանորոգման ծրագրի պայմանագրային արժեքը կազմում է 130 միլիոն 843 հազար դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Գավառի համայնքապետարանը։
Ծրագրի իրականացման արդյունքում Դեմիրճյան փողոցի երթևեկելի մասում կատարվել է ասֆալտապատում՝ 540 գծամետր երկարությամբ և 3395 քմ մակերեսով։ Սալիկապատվել է 3070 քմ մայթ, տեղադրվել ջրահեռացման համակարգ։
Շինարարական աշխատանքներն իրականացրել է Գավառի ՃՇՇ ԲԲԸ-ն է։
Ծրագրի իրականացման շնորհիվ Դեմիրճյան փողոցի բնակիչներն արդեն օգտվում են միանգամայն բարեկարգ ու ասֆալտապատ ճանապարհից։