Դավիթ Ղազինյանը կալանավորվել է 2 ամսով

«Ուժեղ Հայաստան» դաշինքի պատգամավորի թեկնածու Դավիթ Ղազինյանը կալանավորվել է 2 ամսով։

«Արմենպրես»-ին այս մասին հայտնեցին ՀՀ հակակոռուպցիոն կոմիտեից՝ նշելով, որ Հակակոռուպցիոն դատարանը բավարարել է Դավիթ Ղազինյանին 2 ամսով կալանավորելու Հակակոռուպցիոն կոմիտեի միջնորդությունը։

Դավիթ Ղազինյանը հունիսի 17-ին ձերբակալվել էր ընտրակաշառք տալու նախապատրաստության մեղադրանքով, իսկ մինչ այդ ՀՀ կենտրոնական ընտրական հանձնաժողովը բավարարել էր Դավիթ Ղազինյանի նկատմամբ քրեական հետապնդում հարուցելուն և նրան ազատությունից զրկելուն համաձայնություն տալու ՀՀ գլխավոր դատախազության միջնորդությունները։