ԵՄ-ն հայտարարել է Իրանի միջուկային ծրագրի բանակցությունները վերսկսելու համար հաղորդակցության ուղիները պահպանելու մասին
1 րոպեի ընթերցում
ԵՐԵՎԱՆ, 9 ՍԵՊՏԵՄԲԵՐԻ, ԱՐՄԵՆՊՐԵՍ։ ԵՄ արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելը կապ է պահպանում Իրանի միջուկային ծրագրի վերաբերյալ Գործողությունների համատեղ համապարփակ պլանի մասնակիցների, ինչպես նաև ԱՄՆ-ի հետ՝ բանակցությունների վերսկսման համար կապի ուղիները պահպանելու համար։
«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, այս մասին ԻՌՆԱ-ին տված հարցազրույցում հայտարարել է ԵՄ արտաքին քաղաքական ծառայության ներկայացուցիչ Փիթեր Ստանոն։
Նրա խոսքով՝ ԵՄ բարձր ներկայացուցիչ Ժոզեպ Բորելը, որպես համակարգող, ՄԱԿ-ի Անվտանգության խորհրդի 2231 բանաձևի համաձայն, կապի մեջ է իրանցի գործընկերների և գործարքի բոլոր կողմերի, ինչպես նաև Միացյալ Նահանգների հետ՝ բաց պահելու հաղորդակցության ուղիները իրանական միջուկային ծրագրի շուրջ բովանդակալից բանակցությունների վերսկսման համար։