Անհրաժեշտ է զերծ մնալ սպառնալի խոսքից. ՀՀ-ում Իրանի դեսպանն անդրադարձել է Հայաստանի հասցեին հնչող ադրբեջանական հռետորաբանությանը
1 րոպեի ընթերցում
ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ։ Հայաստանում Իրանի դեսպանի դիտարկմամբ՝ եթե Հայաստանն ու Ադրբեջանը միմյանց միջև խաղաղություն հաստատելու ցանկություն են հայտնում, ապա պետք է զերծ մնան սպառնալի հռետորաբանությունից։
«Արմենպրես»-ի հաղորդմամբ՝ այս մասին նա հայտարարեց Իրանի դեսպանատանը լրագրողների հետ զրույցում՝ անդրադառնալով Ադրբեջանի կողմից Հայաստանի հասցեին մշտապես հնչեցվող ագրեսիվ հռետորաբանությանը։
«Կարծում եմ՝ եթե երկրները խաղաղություն հաստատելու ցանկություն են հայտնում, եթե խոսքը գնում է խաղաղության երկխոսության մասին, նրանք պետք է սպառնալիքի լեզվով չխոսեն,»,- ընդգծեց Մեհդի Սոբհանին: