364.26
Ադրբեջանում զինամթերքի պահեստում պայթյուն է տեղի ունեցել
1 րոպեի ընթերցում
Ադրբեջանի Գերանբոյի շրջանի Նիզամի գյուղի մերձակայքում գտնվող զինամթերքի պահեստում սեպտեմբերի 2-ի գիշերը պայթյուն է տեղի ունեցել, որին հաջորդել է հրդեհ։
Ինչպես հաղորդում է «Արմենպրես»-ը, վկայակոչելով ադրբեջանական APA գործակալությունը, այս մասին ասված է Ադրբեջանի արտակարգ իրավիճակների, պաշտպանության և ներքին գործերի նախարարությունների համատեղ հայտարարության մեջ։
Դեպքից անմիջապես հետո Ադրբեջանի արտակարգ իրավիճակների և պաշտպանության նախարարությունների համապատասխան ուժերը՝ ներքին գործերի նախարարության և Գերանբոյի շրջանի գործադիր իշխանության հետ համագործակցությամբ, ձեռնարկել են անհրաժեշտ անհետաձգելի միջոցառումներ։
Իրավիճակը վերցվել է վերահսկողության տակ։ Անվտանգության նկատառումներով դեպքի վայրի մերձակայքում գտնվող մարդիկ տարհանվել են։ Ըստ հաղորդագրության՝ պայթյունի և դրան հաջորդած հրդեհի հետևանքով տուժածներ չկան։
Բաժանորդագրվեք մեր ալիքին Telegram-ում