2 րոպեի ընթերցում
ԵՐԵՎԱՆ, 21 ՍԵՊՏԵՄԲԵՐԻ, ԱՐՄԵՆՊՐԵՍ։ Հարավային Կովկասում Եվրամիության հատուկ ներկայացուցիչ Տոյվո Կլաարը կայցելի տարածաշրջան։ «Արմենպրես»-ի փոխանցմամբ՝ այս մասին հայտարարել է ԵՄ արտաքին հարաբերությունների և անվտանգության հարցերով բարձր ներկայացուցիչ Ժոզեպ Բորելը։
In view of the military operation by #Azerbaijan against Karabakh Armenians, I have decided to send EUSR @ToivoKlaar to the region.
He will report back on the state of play.
— Josep Borrell Fontelles (@JosepBorrellF) September 20, 2023
«Ղարաբաղի հայերի դեմ Ադրբեջանի ռազմական գործողությամբ պայմանավորված՝ որոշեցի Տոյվո Կլաարին գործուղել տարածաշրջան։ Նա տեղից կզեկուցի իրավիճակի մասին»,– գրել է նա X-ի իր միկրոբլոգում։
Սեպտեմբերի 21-ին Երևանի ժամանակով ժամը 23։00-ին ՄԱԿ-ի Անվտանգության խորհրդում հրատապ նիստ կկայանա Լեռնային Ղարաբաղում ադրբեջանական հարձակման թեմայով։
Սեպտեմբերի 19-ին Ադրբեջանը լայնածավալ հարձակում սկսեց Լեռնային Ղարաբաղի դեմ։ Ադրբեջանի ռազմական ագրեսիայի հետևանքով սեպտեմբերի 20-ի ժամը 21։30-ի դրությամբ կա առնվազն 200 զոհ և ավելի քան 400 վիրավոր։ Քաղաքացիական բնակչության շրջանում հաստատված 10 զոհերից 5-ը երեխաներ են։
Լեռնային Ղարաբաղում տեղակայված ռուսական խաղաղապահ զորակազմի հրամանատարության միջնորդությամբ ԼՂ և Ադրբեջանի իշխանությունների միջև հանդիպում է ընթանում Եվլախում։