Կլաարը վերահաստատել է հրադադարի խախտումների քննության երկկողմ մեխանիզմ ստեղծելու ՀՀ-ի առաջարկին լիակատար աջակցությունը

ԵՐԵՎԱՆ, 17 ՕԳՈՍՏՈՍԻ, ԱՐՄԵՆՊՐԵՍ: Հարավային Կովկասի և Վրաստանում ճգնաժամի հարցերով Եվրամիության հատուկ ներկայացուցիչ Տոյվո Կլաարը վերահաստատել է լիարժեք աջակցությունը՝ հայ-ադրբեջանական սահմանին հրադադարի խախտումների քննության երկկողմ մեխանիզմ ստեղծելու վերաբերյալ Հայաստանի առաջարկին: 

«Արմենպրես»-ի հաղորդմամբ՝ Կլաարը X-ի իր միկրոբլոգում կիսվել է այս առումով դեռ հունիսին կատարած իր գրառումով ու կից գրել. 

«Կրկնում եմ հրադադարի ռեժիմի խախտման մասին պնդումները հետաքննելու համար երկկողմ մեխանիզմ ստեղծելու վերաբերյալ Երևանի առաջարկին լիակատար աջակցությունը»,-նշել է Կլաարը:

Ավելի վաղ կատարած գրառմամբ Կլաարը ողջունել էր հայ-ադրբեջանական սահմանին հրադադարի ենթադրյալ խախտումները հասցեագրելու երկկողմ մեխանիզմ ստեղծելու Հայաստանի առաջարկը՝ լարվածությունը նվազեցնելու նպատակով։ 

Reiterate full support for Yerevan’s proposal for a bilateral mechanism to investigate allegations of ceasefire violations. https://t.co/1Hh4AOYqn4

— Toivo Klaar (@ToivoKlaar) August 16, 2024