Տոյվո Կլաարը Հայաստան-Թուրքիա հարաբերությունների կարգավորումն էական է համարում Հարավային Կովկասի բարգավաճման համար

ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ։ Հարավային Կովկասի և Վրաստանում ճգնաժամի հարցերով Եվրամիության հատուկ ներկայացուցիչ Տոյվո Կլաարը Հայաստանի և Թուրքիայի կարգավորման գործընթացում երկու երկրների հատուկ ներկայացուցիչներ Ռուբեն Ռուբինյանի և Սերդար Քըլըչի միջև տեղի ունեցած հանդիպումը կարևոր տարր է համարում առավել կայուն և բարգավաճ Հարավային Կովկասի համար։ 

«Արմենպրես»-ի հաղորդմամբ՝ այս մասին նշված է ԵՄ պաշտոնյայի X-ի միկրոբլոգում արված գրառման մեջ։ 

«Հայ-թուրքական սահմանին նախօրեին տեղի ունեցած կարևոր հանդիպում՝ Սերդար Քըլըչի և Ռուբեն Ռուբինյանի միջև․ Թուրքիայի և Հայաստանի միջև հարաբերությունների կարգավորումը և հաղորդակցությունների վերաբացումն էական տարրեր են առավել կայուն և բարգավաճ Հարավային Կովկասի համար», - իր գրառման մեջ նշել է Կլաարը։

Important meeting yesterday on 🇦🇲-🇹🇷border between @serdarkilic9 and @RubenRubinyan. Normalisation of relations and the reopening of communications between 🇹🇷and🇦🇲 are essential elements for a more stable and prosperous South Caucasus.

— Toivo Klaar (@ToivoKlaar) July 31, 2024