1 րոպեի ընթերցում
ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ երկրորդ նախագահ Ռոբերտ Քոչարյանը հայտարարեց, որ ընդդիմության վարկանիշը ևս ընկել է:
«Ուղղակի, մենք մտածում ենք ու հույս ունենք, որ մեր վարկանիշը վերականգնվող վարկանիշ է, իսկ իշխանության վարկանիշն այսպիսի տեմպերով անկման պարագայում չվերականգնվող է: Մեր գնահատականը սա է», - «Արմենպրես»-ի հաղորդմամբ` ամփոփիչ մամուլի ասուլիսի ժամանակ ասաց Քոչարյանը:
Նա ընդգծեց, որ կողջունի, եթե Հայաստանում ձևավորվեն հստակ ընդդիմադիր կեցվածք ունեցող քաղաքական այլ ուժեր, որոնք ի վիճակի կլինեն այդ պահին ժողովրդին փողոց հանել:
«Եթե որևէ մեկի մոտ դա ստացվի ավելի լավ, քան մեր մոտ, պատրաստ ենք կանգնել իրենց կողքին, պատրաստ ենք աջակցել բոլոր հնարավորություններով: Ընդհանուր ապատիայի մեջ բոլորի մոտ վարկանիշային անկում կա»,- եզրափակեց Քոչարյանը: